Sri.R.Satyanarayana's Diary

ಪರಿಚಯ ನೂರು ವರುಷ ಬಾಳಿರಿ ನೂರು ದೀಪಾ ಬೆಳಗಿರಿ ನೂರು ಬಾಳು ಬೆಳಗಲು ದಿವ್ಯ ಜ್ಯೋತಿ ಆಗಿರಿ.ಇದು ಒಂದು ಚಲನ ಚಿತ್ರದ ಹಾಡಿನ ಸಾಲುಗಳು.ಬಹಳ ಅರ್ತಗರ್ಭಿತವಾಗಿವೆ.ಜೀವನ ಎಂಬುದು ಒಂದು ದೈವ ಕೊಟ್ಟ ವರ.ಅದರಲ್ಲಿ ಮೂರು ವರ್ಗಗಳಿವೆ. ದೈವಾಂಶ;ನಾನು ದೈವ ಪ್ರತಿನಿಧಿ ಎಂದು ಅರಿತು ಸಕಲ ಜೀವರಾಶಿಗಳ ಒಳಿತನ್ನು ಮನಸಿನಲ್ಲಿಟ್ಟು ಬಾಳುವವರು. ಮಾನವಾಂಶ;ಸಾರ್ವಜನಿಕ ಸೇವೆಯ ಮುಸುಕಿನಲ್ಲಿ ಸ್ವಾರ್ಥ ಲಾಭ ಪಡೆದುಕೊಳ್ಳುವ ಸಮೂಹ. ರಾಕ್ಷಸಾಂಶ;ಯಾವ ನಿಯಮಕ್ಕೂ ಒಳಗಾಗದೆ ತಾವೇ ಕಾನೂನಾಗಿ ತಮ್ಮದೇ ರೀತಿಯಲ್ಲಿ ಅಧಿಕಾರ ಚಲಾಯಿಸುತ್ತಾ ದ್ವೇಷ, ವಂಚನೆ, ಅಸೂಯೆಗಳ ಅಗರವಾಗಿರುವ ಸಮೂಹ. ಅಂದರೆ ಮೊದಲನೆಯ ದರ್ಜೆಯೆ ಶಾಶ್ವತ ಕೀರ್ತಿ. ಎರಡೆನೆಯ ದರ್ಜೆಗೆ ಮೊದಲು ಪಶ್ಚಾತಾಪ, ನಂತರ ಉಳಿವು. ಮೂರನೆಯ ದರ್ಜೆಗೆ ಶಾಶ್ವತ ಅಳಿವು. "ಎಂದರೋ ಮಹಾನುಬಾವುಲು, ಅಂದರಿಕಿ ವಂದನಮು" ಎಂಬ ಶ್ರೀ ತ್ಯಾಗರಾಜರ ಕೃತಿಯಂತೆ ’ಎಂದು ನಮ್ಮೊಡನಿದ್ದು ಎಲ್ಲರ ಅನುರಾಗ ಗಳಿಸಿ, ನಮ್ಮೆಲ್ಲರ ನಲ್ಮೆಗೆ ಶ್ರಮಿಸುತ್ತಿರುವ ಧೃವತಾರೆ, ’ಶ್ರೀ ಸಿದ್ದಗಂಗಾ ಶಿವಕುಮಾರ ಸ್ವಾಮಿಗಳಿಗೆ ಈ ಕೃತಿಯ ಸಮರ್ಪಣೆ. ವಿಷಯ ಸೂಚಿಕೆ ================ ೧,ಶತಾಯುಷಿ. ೨.ತುಮಕೂರು. ೩.ಶಿವಗಂಗೆ ೪.ಸಿದ್ಧ ಗಂಗೆ. ೫.ಶ್ರೀ ಶಿವಕುಮಾರ ಸ್ವಾಮಿಗಳು. ೬.ಶ್ರೀ ಶಂಕರ. ೭.ರುದ್ರ-ಚಮಕಗಳ ಹಿರಿಮೆ. ೮.ಶಿವ ಪ್ರಧಾನ ಹೇಗೆ? ೯.ತ್ರಿಮುರ್ತಿಗಳು.ಅವರ ಕರ್ತವ್ಯ-ಅವರ ನಾಯಕಿ. ಅಂಬಿಕೆ ೧.ಶತಾಯುಷಿ. -------------- ನೂರು ವರುಷಗಳು ಬಾಳೆ ಹರಸುವರು ಎಲ್ಲಾ ಆದರೆ ಅದರಂತೆ ನಾವ್ ಬಾಳ ಬೇಕಲ್ಲ ರುಜು ಮಾರ್ಗದಲಿ ನಡೆವ ಹಂಬಲವದಿಲ್ಲ ಪಾಪಗಳನೇ ನಿತ್ಯ ಮಾಡುತಿಹರಲ್ಲ ಆಸೆ, ಲೋಭ, ಕಾಮನೆಗಳು ಯಾರನ್ನು ಬಿಟ್ಟಿಲ್ಲ ಬುದ್ಧಿ ಹೇಳುವ ಜನರ ಹುಚ್ಚರೆನ್ನುವರಲ್ಲ ವೈಭವದ ಜೀವನವು ತಾತ್ಕಾಲಿಕವದಲ್ಲ ವೈರಾಗ್ಯವಿದ್ದವನು ಲೋಕವಾಳುವನಲ್ಲ ಅವನೆಂದೂ ಹೊಗಳಿಕೆಗೆ ಆಸೆಪಡುವವನಲ್ಲ ಹೃದಯದಲಿ ಹರನನ್ನು ನಿತ್ಯ ನೆನೆಯುವನಲ್ಲ, ನೀತಿ ನಿಯಮಗಳಿಗೆ ನಮಿಸಿ ನಡೆಯುವನಲ್ಲ ಅವನೇ ಶತಾಯುಷಿಯು ಸಂದೇಹವಿಲ್ಲ. ೨.ತುಮಕೂರು ============ ನೂರು ಜನ ವಾಸಿಸಲು ಅದು ಸಣ್ಣ ಊರು ಬಹು ಜನರು ವಾಸಿಸಲು ಅದು ದೊಡ್ಡ ಊರು ಜನ್ಮ ಪಡೆದು ಬೆಳದರೆ ಅದುವೆ ಹುಟ್ಟೂರು ಕೀರ್ತಿಯನು ತಂದರೆ ಅದುವೆ ಹೆಮ್ಮೆಯ ಊರು ಶಿವನಾಸೆಪಟ್ಟು ನೆಲಸಿದ ಊರು ತುಮಕೂರು ಅವನ ಆರಾಧನೆಗೆ ಹೆಸರಾದ ಊರು ಉಮಾ ಸ್ಕಂದ ಗಣಪರೊಡನೆ ನೆಲಸಿದ ಊರು ಉತ್ತುಂಗದಂತೆ ಪ್ರಗತಿ ಸಾಧಿಸಿದ ಊರು ತಲೆಯು ಬಿಸಿಯಾದಾಗ ತುಮ್ [ನೀನು] ಒಂದೆಡೆ ಕೂರು ಶಿವನ ನೆನೆಯುತ ಹರ್ಷಲೋಕದಲಿ ಹಾರು ಏನೆ ಕ್ಲೇಶವಿದ್ದರೂ ಅವಗೆ ಸಲಿಸಲು ದೂರು ಪರಿಹರಿಸುವನು ಶಿವನು ಆಸರೆ ಬೇರಿನ್ಯಾರು. ೩.ಶಿವ ಗಂಗೆ. =============== ಪುಣ್ಯ ನದಿಯಾಗಿಹಳು ಈ ನಮ್ಮ ಗಂಗೆ ಪಾಪವನು ಹರಿಸುವಳು ಈ ನಮ್ಮ ಗಂಗೆ ಒಮ್ಮೆ ಪಯಣಿಸಿ ಜಳಕ ಮಾಡಿದರೆ ಸಾಕು ಮುಕ್ತಿಯನು ನೀಡುವಳು ಈ ನಮ್ಮ ಗಂಗೆ ಶಿವನ ಜಟೆಯಲಿ ಇಹಳು ಈ ನಮ್ಮ ಗಂಗೆ ಭಗೀರತನ ಮೊರೆ ಕೇಳಿ ಈ ನಮ್ಮ ಗಂಗೆ ಭರದಿ ಶಿವಜಟೆಯಿಂದ ಧುಮುಕಿದಳು ಗಂಗೆ ಶಿವನು ತಡೆಯಲು ಜಟೆಯಲುಳಿದಿದ್ದಳು ಗಂಗೆ ಭಕ್ತನಾ ಮೊರೆ ಕೇಳಿ ಧರೆಗಿಳಿದಳು ಗಂಗೆ ಶಿವನ ಪರಮ ಪ್ರಿಯಳು ಈ ನಮ್ಮ ಗಂಗೆ ಶಂಕರರ ಹರಸಿದಾ ಶಾರದೆಯ ಒಡಗೂಡಿ ಶಂಕರನ ಭಕ್ತರನು ಹರಸುತಿಹ ಶಿವಗಂಗೆ ೪.ಸಿದ್ದ ಗಂಗೆ --------------- ಶಿವನಜಟೆಯಿಂದ ಬಂದವಳು ಗಂಗೆ ಭಗೀರಥನ ದಯೆಯಿಂದ ಧರೆಗಿಳಿದಳು ಗಂಗೆ ಕಾಶಿಯಲಿ ಹರಿದಿಹಳು ಈ ಪುಣ್ಯ ಗಂಗೆ ಆಶ್ರಯಿಸಿದವರನು ಹರಸುತ್ತಿಹಳು ಗಂಗೆ ಎತ್ತರದಿ ಗಿರಿಯಾಗಿ ಕಂಗೊಳಿಸೆ ಶಿವಗಂಗೆ ಶಾರದೆಯು ಶಂಕರನು ನೆಲಸಿರುವ ಶಿವಗಂಗೆ ಅಧ್ಯಾತ್ಮ ವಿದ್ಯೆಯನು ನೀಡುತಿಹ ಶಿವಗಂಗೆ ಅಮರತ್ವದೆಡೆಗೆ ಕೊಂಡೊಯ್ಯುತಿಹ ಶಿವಗಂಗೆ ಬದಿಯಲ್ಲೆ ಉದಿಸಿಹುದು ತಾ ಜ್ಞಾನ ಗಂಗೆ ಶಾರದೆಯ ಕರುಣೆಯ ವರವೀವ ಗಂಗೆ ಅರಸಿದವರಿಗೆ ಅಶನ ಜ್ಞಾನ ನೀಡುವ ಸಿದ್ದಗಂಗೆ ಸುಸಂಸ್ಕೃತ ಪೌರರನು ನಾಡಿಗೀಯುತಿಹ ಸಿರಿಗಂಗೆ ೫.ಶ್ರೀ ಶಿವಕುಮಾರ ಸ್ವಾಮಿಗಳು ----------------------------- ಶಿವನೆ ಇಂದಿಲ್ಲಿ ಯತಿಯಾಗಿ ಬಂದರೇ ದಯಾಸಾಗರನೇ ಇಂದಿಲ್ಲಿ ಯತಿಯಾಗಿ ಬಂದರೇ ಮೌನದಲೆ ನುಡಿಯುವವ ಯತಿಯಾಗಿ ಬಂದರೇ ಕಾಯಕದ ಕಲಿಪುರುಷ ಯತಿಯಾಗಿ ಬಂದರೇ ದೀನದಲಿತರ ಪ್ರಭುವೆ ಯತಿಯಾಗಿ ಬಂದರೇ ಅನ್ನಪೂರ್ಣೆಯ ಕುವರ ಯತಿಯಾಗಿ ಬಂದರೇ ಜ್ಞಾನದಾನಿಯು ತಾನು ಯತಿಯಾಗಿ ಬಂದರೇ ಜ್ಞಾನಜ್ಯೋತಿಯು ತಾನು ಯತಿಯಾಗಿ ಬಂದರೇ ಸಿದ್ದಗಂಗೆಯ ರತ್ನ ಯತಿಯಾಗಿ ಬಂದರೇ "ಸಿದ್ಧ" ಸೇವೆಗೆ ಎಂದವರು ಯೆತಿಯಾಗಿ ಬಂದರೇ ಸಿರಿ ತೊರೆದು ಗುರುವಾಗೆ ಯತಿಯಾಗಿ ಬಂದರೇ ಸಿದ್ದಗಂಗೆಯ ಪವಾಡ ಪುರುಷ ಯತಿಯಾಗಿ ಬಂದರೇ ೬.ಶ್ರೀ ಶಂಕರ. ----------------- ಹಿಮಾಲಯದಲಿ ನೀನು ನೆಲಸಿರುವೆ ಶಂಕರ ಶಿರದಲ್ಲಿ ಗಂಗೆಯನು ಧರಿಸಿರುವೆ ಶಂಕರ ಕಂಠವನು ನಾಗನು ಅಲಂಕರಿಸಿರಲು ಶಂಕರ ಜೊತೆಯಲ್ಲಿ ಪಾರ್ವತಿಯು ಕುಳಿತಿಹಳು ಶಂಕರ ಗಣಪ ಸ್ಕಂದನೊಡಗೂಡಿ ಶಂಕರ ವಂದಿಸಲು ಫಲ ಪರೀಕ್ಷೆ ಮಾಡಿದ್ದೆ ಶಂಕರ ತಾಯಿ ತಂದೆಯರ ಗಣಪನು ಸುತ್ತಿರಲು ಶಂಕರ ಜಗವನ್ನು ಸ್ಕಂದನು ಸುತ್ತಿದನು ಶಂಕರ ಸೃಷ್ಟಿಗೆ ಬ್ರಹ್ಮ ರಕ್ಷಣೆಗೆ ಹರಿ ಸಂಹಾರಕೆ ನೀನೆ ಕಾರಣ ಶಂಕರ ಸತತ ಧ್ಯಾನದಿ ಕುಳಿತು ಸಾತ್ವಿಕರ ರಕ್ಶಿಸುವೆ ಶಂಕರ ಪಣ ತೊಟ್ಟು ಭಕ್ತರ ಕಾಯುತಿಹೆ ಶಂಕರ ಪಾಅದದ್ವಯ ಭಜಿಸಿರಲು ಪಾಲಿಸುವೆ ಶಂಕರ ೭.ರುದ್ರ-ಚಮಕಗಳ ಹಿರಿಮೆ --------------------------- ದೇವನ ನೆನೆಯುವಾ ಮಾರ್ಗವೇ ಮಂತ್ರ ಅವನ ಶೀಘ್ರ ಬೇಡಲು ಅದುವೆ ತಂತ್ರ ಪ್ರಾಪಂಚಿಕ ಸುಖದ ಬಾಳು ತಾ ಯಂತ್ರ ಅಧ್ಯಾತ್ಮದ ಮಾರ್ಗ ಅರಸುವವನು ಸ್ವತಂತ್ರ ಕೈಲಾಸದಲಿ ಕುಳಿತಿಹನು ತಾ ರುದ್ರ ಅವನ ನೆನೆಯಲು ಮೋಕ್ಷಕೆ ಸ್ಥಾನ ಭದ್ರ ಅವನ ಸ್ತುತಿಸುವ ಸುಲಭ ಮಾರ್ಗವೇ ರುದ್ರ ಅದರಿಂದ ತಣಿಯುವುದು ಶಂಕರನ ರೌದ್ರ ಅವನ ನಾವ್ ಬೇಡುವ ವರಗಳೇ ಚಮಕ ಸಾಮಾನ್ಯರಿಗೆ ಅದು ಪ್ರಾರ್ಥನೆಯ ಗಮಕ ಅವನ ಅನುಗ್ರಹವೆ ಕಾಯುವುದು ಕೊನೆತನಕ ಒಲಿದರೆ ನೀಡುವನವನು ಮೋಕ್ಷದ ಕನಕ ೮.ಶಿವ ಪ್ರಧಾನ.ಹೇಗೆ. ---------------------- ಈಜಗದಿ ಹರಿಹರರ ಭೇದವೆಂಬುದು ಇಲ್ಲ ಎಲ್ಲವೂ ಮಾನವರ ಸೃಷ್ಟಿಯೇ ಅಲ್ಲ ಸೃಷ್ಟಿ ಸ್ತಿತಿ ಲಯಕಾರ್ಯ ತ್ರಿಮೂರ್ತಿಗಳದೆ ಅಲ್ಲ ಅವರೆಲ್ಲ ಅವರ ಕಾರ್ಯ ನಿರ್ವಹಿಸುತಿಹರಲ್ಲ ಶಿವನೆ ಹೇಳಿದ ರಾಮನಮವಾ ಜಪಿಸೆಂದು ಹರಿಯೆ ಅಳಿಸಿದ ಭಸ್ಮಾಸುರನ ಹರನಿಗಂದು ಭೇದವೆಲ್ಲಿದೆ ಅವರೆ ಹೇಳಿರಲು ಒಂದೆಂದು ಯವ ರೂಪದಲಾದರೂ ಅವನೇ ದೀನ ಬಂಧು ಒಮ್ಮೆ ವರಾಹನಾಗಿ ವಿಷ್ಣು ಭೂಮಿಯಡಿ ಸಾಗಲು ಹಂಸ ರೂಪದಿ ಬ್ರಹ್ಮ ಸ್ವರ್ಗದಲಿ ಅರಸಿರಲು ಹರನ ಮೂಲವು ಅವರಿಗೆ ದೊರಕಲೇ ಇಲ್ಲ ಜ್ಯೋತಿ ರೂಪದಿ ಬಂದು ಶಿವ ಹಿರಿಮೆ ತೋರಿದನಲ್ಲ ೯.ತ್ರಿಮೂರ್ತಿಗಳ ಕರ್ತವ್ಯ ಅವರ ನಾಯಕಿ-ಶ್ರೀ ಅಂಬಿಕೆ -------------------------------------------------- ಮಾನವನು ಜಗದಲಿ ಹುಟ್ಟಲೇ ಬೇಕು ಹಿಂದೆ ಮಾಡಿದ ಕರ್ಮಫಲ ಅನುಭವಿಸಲೇ ಬೇಕು ಈ ಜಗದಿ ಹೆಚ್ಚು ಒಳಿತು ಮಾಡಿರಬೇಕು ಮುಂದೆ ಬರುವ ಪುಣ್ಯ ಫಲ ಪಡೆಯಲೇ ಬೇಕು ಸೃಷ್ಟಿ ಕರ್ಯವನು ನಡೆಸುವವ ಬ್ರಹ್ಮ ಎಲ್ಲರನು ರಕ್ಷಿಸಿ ಪೊರೆಯುವವನು ಹರಿ ಲಯಗೊಳಿಸಿ ಹರಸುವವನು ಸ್ವಾಮಿ ಮದನಾರಿ ಇದು ಮೊದಲಿನಿಂದಲೂ ನಡೆದು ಬಂದಿಹ ದಾರಿ ಇವರೆಲ್ಲರಿಗು ನಾಯಕಿಯೆ ಆದಿಶಕ್ತಿ ಸಂಪದ ವಿವೇಕ ಜೊತೆ ಬಲ ನೀಡುವಾ ಶಕ್ತಿ ತಾಯಿಗೆ ಶರಣಾಗಿ ಪ್ರಕಟಿಸಲು ಭಕ್ತಿ ನೀಡುವಳು ಜಗದ ವಿರಕ್ತಿ ಅತ್ಯಮೂಲ್ಯ ಮುಕ್ತಿ. ಅರ್ಪಣೆ -------- ಶ್ರೀ ಶಂಕರನ ಸೇವೆಗೆ ತಮ್ಮನ್ನೇ ಅರ್ಪಿಸಿಕೊಂಡು ಸಿರಿದೇವತೆಯನ್ನು ತಮ್ಮ ಕ್ಷೇತ್ರದಲ್ಲೇ ಸೆರೆಹಿಡಿದು ಉದ್ದ ಭಾಷಣ ಮಾಡದೆ ಕಾಯಕವ ನಡೆಸುತ್ತಾ ಗಂಭೀರ ವ್ಯಕ್ತಿತ್ವದೊಂದಿಗೆ ಬೆಳಗುತ್ತಾ ಗಾನಕ್ಕೆ ತಲೆದೂಗುವ ರಸಿಕನಂತೆ ಆಕರ್ಷಿಸುತ್ತಾ ಶಿವನ ಅರಾಧನೆಯನ್ನೇ ತಮ್ಮ ಜೀವನದ ಗುರಿಯಾಗಿಸಿ ವಸುಧೆಯೊಳಿರುವ ಅಜ್ಞಾನವನ್ನು ನೀಗಿಸಿ ಕುಳಿತೇ ಜಗದ ಆಗುಹೋಗುಗಳನ್ನು ಆಲಿಸುತ್ತಾ ಮಾದರಿ ಕ್ಷೇತ್ರವಾಗಿ ಶ್ರೀ ಸಿದ್ಧಗಂಗೆಯನ್ನು ಆಗಿಸಿ ರಣರಂಗದ ಯೋಧನಂತೆ ಶಿಕ್ಷಣ ಕ್ಷೇತ್ರದಲ್ಲಿ ಹೋರಾಡುತ್ತಾ ಸ್ವತಂತ್ರವೆಂದರೆ ’ಅಜ್ಞಾನದಿಂದ ಬಿಡುಗಡೆಯೆಂದು ಸಾರಿ ಮಿತ ಭೋಜನ, ಮಿತ ಮಾತು, ಮಿತ ಶಯನ, ಅಮಿತ ಸೇವೆಯನ್ನೇ ಉಸಿರಾಗಿಸಿ ಗಗನದಲ್ಲಿ ಮಿನುಗುವ ತಾರೆಯಂತೆ ಮುಗಿಲೆತ್ತರಕ್ಕೇರಿ ಬಾಳುವುದು ಹೇಗೆಂದು ತೋರುತಿಹ ದಾರಿದೀಪಕ್ಕೆ ಈ ತೊದಲು ನುಡಿಗಳ ಸಮರ್ಪಣೆ. ------------------------------------------------------------------- ಷಣ್ಮುಖ ಪ್ರಿಯ