Sri.R.Satyanarayana's Diary

ಪುರಂದರದಾಸ ===========
ದೇವಋಷಿ ನಾರದನು ಧರೆಗೆ ಬಂದನು
ಸೀನಪ್ಪನಾಯಕನ ಹೆಸರಲಿದ್ದನು
ಧನವನೆ ದೇವರೆಂದು ಪೂಜಿಸಿದ್ದನು
ಕೃಪಣನೆಂಬ ಬಿರುದನ್ನು ತಾ ಗಳಿಸಿದನು
ಅವನ ಮಡದಿ ಸರಸ್ವತಿಯೆಂದು ಖ್ಯಾತಳಾದಳು
ಅಚ್ಯುತನ ಹಗಲಿರುಳೂ ಧ್ಯಾನಿಸಿದ್ದಳು
ಪತಿಯ ನೆರಳಿನಲ್ಲೆ ತಾನು ನಡೆದಿದ್ದಳು
ಪತಿಯಲ್ಲೇ ಪರಮೇಶ್ವರನ ತಾನು ಕಂಡಳು
ವೃದ್ಧ ಬ್ರಾಹ್ಮಣನ ರೂಪದಲಿ ಹರಿಯು ಬಂದನು
ಮಗನ ಉಪನಯನಕೆ ಹಣ ಕೇಳಿದನು
ಕಿಲಿಬು ಕಾಸನೂ ಕೊಡೆ ಎಂದು ವರ್ತಕನೆನಲು
ಅವನ ಮಡದಿಯ ಬಳಿ ಬಂದು ನೆರವು ಕೇಳಿದನು
ತವರಿನ ಮೂಗುತಿಯನು ಅವಳು ‘ನೀಡಲು
ಅದ ವರ್ತಕನಿಗೆ ನೀಡಿ ಹಣ ನೀಡೆಂದನು
ಮಡದಿಯ ಬಳಿ ಬಂದು ಅವನು ನಿಜವ ಕೇಳಲು
ಮೂಗುತಿಯು ಮರಳಿ ಬರಲು ಮೂಕನಾದನು
ಎಲ್ಲ ಹಣ ದಾನವಿತ್ತು ದಾಸನಾದನು
ಪುರಂದರ ನಾಮಾಂಕಿತದಿ ಹಾಡಿ ನಿಂದನು
ವೇದದ ಸಾರವನು ಸುಲಭವಾಗಿ ಅರುಹುತ
ವಿಠ್ಠಲನ ಹಿರಿಮೆ ಹಾಡಿ ಖ್ಯಾತನಾದನು